الفرق بين الشباب والبنات في استقبال الضيوف هههههههه

اولا: الشباب


1. الساعه خمس المغرب ابوه يعلمه إن فيه ظيوف جايين عندهم
2. يلبس الثوب والشماغ
3. رشة عطر
4. يقعد يشخص ويستقبل الرجال في المجلس
5. يقهويهم وابوه جالس.
6. يروح يجيب العشا من المطبخ ويجهز السفره ويقلط الرجال
7. اذا راحو يعلق على بعض المواضيع مع أبوه
8. انتهى الأمر



ثانيا: البنات

1. الساعه ثمانية صباحا امها تعلمها بأن فيه ظيوف جايين على العشاء
2. تسأل امها من بيجي
3. تروح عند الدولاب تفكر وش تلبس
4. تقرر الموديل الي بتلبسه
5. تلبس الفستان
6. تتذكر حنان (اوه شافتني لابسته في العزيمه الفلانيه)
7. تهون عن الفستان
8. تلبس التنوره
9. تتذكر ليلى (اوه شافتني لابسته في العزيمه الفلانيه)
10. تقرر بعد خمس لبسات تلبس فستان اختها
11. توصل عند المرايه الساعه خمسه
12. تتمكيج وتنتهي وجهها فوقه كيلو احمر وخضر (الساعه سبعه)
13. تلبس اكسسوارات على نفس لون الفستان (ملاحظه: يمكنك ان تشتري من عندها لكثرت اكسسواراتها)
14. الساعه الثامنه أمها تطرق الباب اطلعي بسرعه الضيوف وصلوا
15. قررت واخيراً ان تخرج
16. تفتح باب غرفتها عند الساعه التاسعه (العشا بعد نص ساعه)
17. تشوف الزحمه في الصاله
18. تستحي تدخل تسلم وتوقف بحيره (يا ربي استحي)
19. امها ادخلي ليه واقفه
20. تقرر اخيراً انها تدخل تنسى اول واحده ما تسلم عليها وتسلم عاللي بعدها
21. تنتهي من التسليم بعد ما طاحت فوق المكسرات والتمر وكسرت كم فنجان قهوه
22. امها تقلط الحريم على العشاء
23. وإذا راحو الضيوف تجي البنت تقول لأخوها ياربي تعبنا طول الوقت نشتغل باروح انام!!!!!!!!!!!!

ههههههههههههههه


كأنج نسيتي إنه أنكون فالمطبخ من الظهر علشان أنحضر أصناف وأنواع الطعام حق الضيوف وينكسر ظهرنا من الطبخ والنفخ

وفالنهايه إيون اخوانا ويشلون العشاء عالبراد جاهز ومجهز وكأنهم هم تعبانين عليه

ههههههه
صدقتي والله السموحه منج يالغلا اشكرج ع مرورج الرائع