ديوان الشاعر خالد الفيصل

قصيدة لونسيت
لو نسيت العمر ماانسى دمعتـك
صرخةٍ ذابت من عيونك دمـوع
ترتعـش مرتـاعـه فــي وجنـتـك
وانتفض قلبي لها بين الضلـوع
أزعجت صمـت الليالـي عبرتـك
بالخفا ثوره ، وبالظاهر خشوع
تسكـب الدمعـه وتظمـي نظرتـك
مشهد النظره وهي تظمي يروع
ياضيـاع العمـر ضيعـة بسمـتـك
ضاع معها خافـقٍ مثلـك جـزوع
ليت من يمتـص جـارح لحظتـك
والفرح يشعل دياجيـرك شمـوع

قصيدة من يقول الزين

من يقول الزين مايكمل حـلاه
كل شيء في حبيبـي أكتمـل
الله إللـي كملـه والله عطـاه
مابقى لزين في خلـي محـل
العيون أحلى من عيون المهـا
شابها قلبي وصفـق وأحتفـل
نظرته من فتنته شعل الحيـاه
والجفون من الحياه فيها كسـل
ساه من رمشه على الخد وسناه
كن لمعت وجنته ورده وصـل
والشفايا كأنها جمـره الغطـاه
تحرس الريق المحلى بالعسـل
والشعر لين نقل حمـره مسـاه
أجعدا حول على صدره همـل
مايجي من فوق مثنه ماطـواه
لوهي شلال مع المغرب نـزل
انطلق جيته يماري في بهـاء
فوق ميـاس تعـزل وعتـدل
بالرشاقه فيها من طبـي الفـلا
لين مشى كنه على الريح ثقـل
ريحتـه مـن كـل منتـقـاه
والزيـاده للخزامـه والنـقـل
صافي مثل المطر فوق الصفاه
باسما مثـل البشايـر بالأمـل
جامعا من كـل زيـن منتهـاء
مستحيل الوصف في خلي سهل
كايـد ماهويليـن الممبـغـاء
يرتفع عن كل سقطات الزمـن

في سحباه ..

على متن التمني

شفت عمري

خيال في سحابه


يا ذهابه ..

تعدى ما ارجهن

كن عامه

نهار يا ذهابه ..


من غدا به

ربيع العمر مني

حسبي الله

على وقت غدا به ..


إلتوى به

رجا قلب يون

ويل قلب تعلق والتوى به


في شبابه ..

حبس نشواه عني

ما تهيا لذيذه في شبابه


ذا صوابه

عقب ما هو طعني ..

لو نسيته يذكرني صوابه


من هقابه ..

يخيب كل ظني

واعذاب الخفوق اللي هقابه


رد بابه ..

زماني وامتحني

يوم ثور عجاجه

رد بابه


يا ربابه ..

على المسحوب غني

من قصيدي

بكى قوس الربابه .

قصيدة حدني وقتي

حـدّني وقتي على شيٍ iiجديدي

السهر ماهوب من عادة iiعيوني

أبعدوني عن هوى بالي iiوسيدي

ومنعوا عنّي خطوطه iiياصلوني

شـطروني عنه في دارٍ iiبعيدي

حـسبي الله كانهم منه iiقطعوني

صـارت الفرقا لنا علمٍ iiوكيدي

لـيتهم راحوا وانا عنده iiنسوني

عاقني عن صاحبي سورٍ حديدي

دونـه الـبحور حرّاسٍ ودوني

الرجا بك يابو خالد يا iiعضيدي

لا تـخليني تـراهم iiعـذّبوني

قصيدة ياطارد

يا طــــــارد اللي راح خــله ومــلوه

ما يستــقيم الظــل لا عـــوج عـــــــــــــــــوده

ولا ينفــــع النـــدمان قولــة حــولاه

جـــحـــــــر لـــــــدغ يمنـــــــاك لا لا تعـــــوده

قصيدة كلما نسنس


كلما نسنس من الغربي هبوب حمل النسمة سلام

وان لمحت سهيل في عرض الجنوب .. عانق رموز الغرام

لك حبيب ما نسا .. كلمته دايم عسى

اطلب الله وارتجيه .. صبح يومي والمسا

كل زين اشهاده وانتم بعيد منوتي ليتك معي

وان سهرت الليل اهوجس بك واعيد هل لاجلك مدمعي

وانت هاجس خاطري .. وانت فرحة ناظري

يا قريب ويا بعيد .. فيك امس وحاضري

نشوتك تلعب مع قطر المطر .. وانتشى قطره معك

والسحاب يطاردك بين الشجر خالق الزين ابدعك

الندى في وجنتك .. صار عطر بلمستك

والهوى غنى طرب .. تستثيره بسمتك

كلما ضمت عيوني منك طيف يا بعد كل الطيوف

قلت ما مثلك على الدنيا وصيف لا حشا مالك وصوف

لا سحاب ولا مطر .. لا نسيم ولا زهر ..

لا طيور ولا زهر .. ولا مع باقي البشر ..