.
المشكله زهرت شبابك لا أستقرت على المحك
ما عاد تدري ويش تسوي تبكي ولا تبتسم
لا صار أعز إنسان عندك ريح دايم تلفحك
من بردها تغزو عظامك لين تصفق بالعظم
ومشكله لامن وثقت بشخص وقلت بيمنحك
من طيب قلبه والمحبه ثم يخيب هالعشم
ويستحل الحزن في قلبك وناره تقدحك
وتضيق بك دنيا لو إنك مترف بكل النعم
أرجوك تسمع يا خفوقي قبل خلك يجرحك
جرح الحبايب يا خفوقي صعب والله يلتئم
وخذها نصيحه من عندي يا خفوقي بنصحك
عشان ما تذبل معاليقك وتشعر بالألم
وقبل صدمات الزمان القاسيه لا تذبحك
وقبل لا تصبح من وجود إليا عدم
بقول لك حاجه وأبي تسمع علشان أريحك
من لا يحبك لا تحبه لا تعده شىء مهم
لا تربح اللي يخسرك بس إربح اللي يربحك
خلك عزيز النفس شامخ مسكنك فوق القمم
لا تلتفت للي كذا من نص عين يطالعك
من لا يحشمك لا تحشمه وإحشم اللي ينحشم
وإترك دروب الحب وإنساها فبل لا تطرحك
وتصير في هذه الحياه بلا هويه أو إسم
اللي يحب اليوم يفرح ويتمتع بالضحك
بكره على خده دموع من جروحه تنرسم
هاذي ترى كل الحكايه قلت أبحكي وأنصحك
عشان ما تندم في وقت ما ينفع فيه الندم
منقول لـ محمد الحارثي
موضوع: أرجوك تسمع يا خفوقي قبل خلك يجرحك..جرح الحبايب يا خفوقي صعب والله يلتـئم 
الأربعاء أبريل 14, 2010 5:06 pm
